بخطوات بسيطة.. إزاي تعيد ضبط الآيفون قبل ما تبيعه

لما تشتري موبايل آيفون، أول حاجة بتعملها بتنقل أرقامك عليه وصروك القديمة وتتصور صور جديدة كمان بالبيانات وكل ما زاد حجمها وعددها كل ما أصبح الأمر عبئ عليك لما تفكر تبيعه.

والعبء أيضا على الشركات أو المحال التجارية اللي بتستهدف إعادة بيع الهواتف المستعملة، إيه هو الحل علشان تتخلص من البيانات كلها وبسرعة؟

بحسب موقع (zdnet) المتخصص بالشؤون التكنولوجية، العملية بسيطة ومابتخدش أكثر من دقائق معدودة، يتم فيها إزالة كل البيانات السابقة اللي تم وضعها المستخدم من تطبيقات وحسابات وصور.

وعلشان المهمة تكون سهلة، استحدثت "أبل" الشركة المصنّعة للآيفون خدمة إعادة ضبط أو مسح كل محتويات الهاتف في نسخة نظام التشغيل "آي أو أس 15".

وده مش هايتسبب في إيقاف خدمة "العثور على الآيفون Find my iPhone”" أو تنشيط القفل قبل إعادة ضبط الهاتف.

وتقدر تطبق أمر إعادة الضبط عبر الخطوات التالية:

  • روح على الإعدادات، واختار "عام"، والوصول إلى ميزة: (Transfer or Reset iPhone).

والميزة دي بتوفرلك خدمة الإعداد للهاتف الجديد، وبعدها عليك اتباع الخيارات اللي بتناسب حاجتك، زي إعادة الضبط أو حذف كل المحتوى والإعدادات السابقة. كل الخطوات تتطلب منك إدخال كلمة المرور.

بعدها، هايظهرلك تفاصيل جميع البيانات اللي هايتم مسحها من الجهاز، ولو خايف من ضياع البيانات وخسارتها للأبد فاتطمن لأن خدمة النسخة الاحتياطية "آي كلاود" هاتكون هناك لحفظ بيانات الهاتف افتراضيا قبل مسحها منه.

وعند إيقاف تشغيل الجهاز، ستتوقف خدمة "العثور على الهاتف"، وسيعاد تشغيل الجهاز مرات عدة قبل الدخول في وضعه الجديد.

اتأكد من اتباع الخطوات دي علشان تقدر تبيع تليفونك بأمان من غير التعرض لأي مخاطر.

تابع مدونة سلكت لمعلومات أكتر عن التكنولوجيا والأجهزة الإلكترونية والاستخدامات.