Skip to content
في كل سنة وفي نفس الموعد بيترقب الملايين من محبي إصدارات شركة آبل الأخبار عن الإصدارات الجديدة، والسنة دي بتتوجه كل الأنظار لجهاز ماك 2022، واللي من المتوقع يتم الإعلان عنه في أول حدث إطلاق منتجات للشركة خلال العام الحالي، والمتوقع عقد المؤتمر في 8 مارس اللي جاي.
وتخطط شركة أبل لعدد كبير من التغييرات السنة دي، ومن ضمن المنتجات المتوقع إصدارها ساعات أبل واتش 8 وهاتف آيفون 14 وآيباد برو الجديد، لكن كل التركيز والاهتمام ينصب على أجهزة الكمبيوتر Mac.
ومن المعروف عن أجهزة Mac إنها بتتميز بنظام من تطوير أبل نفسها، يعني الشركة بتنتج الجهاز بنظام تشغيله، وده اللي بيخليها تتمتع بقدر كبير من السلاسة والتناغم بين النظام والهاردوير، مشابه تماما لهواتف آيفون.
وسبب الاهتمام بأجهزة Mac، هو دخولها المرحلة الثالثة من عملية التغيير الشامل - واللي بتتضمن استبعاد رقائق شركة إنتل، واستبدالها برقائق أبل سيليكون - والانتقال ده بدأ في عام 2020 بإصدارات شريحة M1 من MacBook Pro وMac mini وMacBook Air، واستمر في عام 2021 مع شريحة M1 لجهاز iMac، وفي وقت لاحق من العام، مع M1 Pro وM1 Max لأجهزة MacBook Pro.
ومن المتوقع إصدار أجهزة تدعم شبكات الجيل الخامس من آيفون إس إي، وآيباد إير، فضلاً عن جهاز واحد على الأقل من Mac، في 8 مارس المقبل.
ومن ضمن الأجهزة الجديدة:
- جهاز Mac mini جديد بشريحة M1 Pro.
- جهاز MacBook Pro مقاس 13 بوصة مزود بشريحة M2 ليخلف طراز 2020 وبسعر أقل من جهاز MacBook Pro مقاس 14 بوصة و16 بوصة.
- جهاز Mac mini بشريحة M2
- جهاز iMac مقاس 24 بوصة مزود بشريحة M2
- جهاز MacBook Air معاد تصميمه بشريحة M2
- iMac Pro أكبر مع خيارات شرائح M1 Pro وM1 Max
- جهاز Mac Pro نصف الحجم، الأول مع أبل سيليكون، مع ما يعادل شريحتين أو أربع شرائح M1 Max
وفي 6 فبراير 2022: في رسالته الإخبارية PowerOn، صرح Mark Gurman من Bloomberg أنه قريب هايتم الكشف عن "العديد من أجهزة Mac الجديدة" في WWDC22 في يونيو اللي جاي، على الرغم من أنه ماذكرش على وجه التحديد طرازات Mac اللي هايتم إصدارها. ومن الممكن أن يشمل الموتمر ده إطلاق جهاز Mac Pro. ومن المتوقع أن يتم الكشف عن جهاز Mac جديد واحد على الأقل في مؤتمر 8 مارس المترقب، ومن الأجرح إنه يكون عن iPhone SE الجديد، مش عن جهاز Mac Pro ، لأنه أكثر ملاءمة للإعلان عنه في WWDC.
تابعوا مدونة سلكت وصفحاتنا على السوشيال ميديا Select.eg علشان تعرفوا تفاصيل أكتر.