تخطي للمحتوى
من أول ما أطلقت شركة آبل أول موبايل أيفون في العالم سنة 2007 حصلت ثورة تغييرية واضحة في عالم الهواتف الذكية، اللي خلى مبيعات آبل توصل لأكثر من مليار هاتف حتى الآن! ومن أكثر الخصائص اللي ميزت هواتف أيفون الذكية هي الكاميرا وامكانيات التصوير اللي بتتوفر في أجهزة الأيفون، للمساعدة في التصوير بشكل رائع واحترافي أكثر!
خصائص كاميرا الأيفون وإزاي تستفيد منها:
من بعد الثورة القوية اللي أطلقتها شركة آبل تحولت الكاميرا لخاصية أساسية بيبحث عنها المستخدمين والمشتريين في كل الأجهزة، ومن هنا بدأت المنافسة الشرسة على تطوير خصائص الكاميرا بين الشركات المصنعة للهواتف الذكية في تحسين أداء وجودة الكاميرا في هواتفها.
وده اللي حرصت عليه شركة آبل علشان تكون دايما في الصدارة، بالتركيز على جودة الكاميرا في أجهزتها، وبالتالي تحقق رغبة العديد من مستخدمي هواتفها في أنهم يكونوا مصورين محترفين ويقدروا يصوروا صور عالية الجودة وبشكل محترف.
وفي المقال ده جمعنالك أهم خصائص كاميرا الأيفون وإزاي تستفيد بيها علشان تعرف تصور أفضل الصور وتطلع مواهب التصوير اللي جواك!
-
تفعيل وضع HDR
من أهم مميزات كاميرا أيفون هي تقنية HDR اللي بتستخدم لتحسين التقاط الصور، خصوصا إذا كانت الإضاءة منخفضة، لأن التقنية دي دورها زيادة نسبة الضوء إلى الظلام في الصورة. علشان تفعل الخاصية دي وتصور صورة احترافية كل اللي هاتعمله تدوس على HDRأعلى الشاشة في واجهة تطبيق الكاميرا.
- التركيز على هدف في الصورة
موبايل أيفون معروف بأنه يدعم خاصية التركيز التلقائي، لكن انت تقدر كمان وانت بتصور بالأيفون تلمس الشاشة عند الهدف، من خلال النقر على الهدف الظاهر في واجهة تطبيق الكاميرا قبل التقاط الصورة، وعلشان يتم التقاط صورة أفضل، استخدم فكرة صورة بسيطة وماتزحمش صورتك أكثر من اللازم وتضمين الكثير من الموضوعات والتفاصيل، فقط ركز على موضوع واحد مع خلفية مثيرة للاهتمام ومساحة فارغة أكثر.
-
اتحكم في السطوع قبل التقاط الصور
خاصية التحكم في السطوع قبل التقاط الصورة هي واحدة من الخصائص الذكية اللي بتضمنها هواتف آيفون للحصول على صورة جيدة وبشكل احترافي، حيلة التحكم في السطوع بتمكنك من التحكم في السطوع من خلال النقر على هدف ما في الصورة والتركيز عليه ثم السحب لأعلى أو أسفل لضبط السطوع قبل التقاط الصورة، وبعد ضبط درجة السطوع قم بالتقاط الصورة.
- اللقطة المثالية لموضوع متحرك
لو عندك موضوع متحرك وعايز تحصل على اللقطة المثالية، فاضغط باستمرار على الزر لالتقاط صورة وجهازiPhone الخاص بك هايفعل وضع الاندفاع والتقاط لقطات متعددة على التوالي. وبعدها تقدر تشوف وتختار من بين كل الصور واللقطات الصورة المناسبة ليك، وتحديد الخيار الأمثل وتجاهل الباقي.
-
أهمية الضوء الطبيعي
الإضاءة عامل مهم جدا وأساسي علشان الصورة تطلع حلوة ومظبوطة ومميزاتها ظاهرة، لو بتفكر تستخدم الفلاش فالفلاش في الأيفون ممكن يكون قوي جدا ويبوظلك إضاءة الصورة اختار دايما وقت يكون فيه شمس وإضاءة مناسبة بدلاً من الفلاش.
-
تحسين الصور باستخدام الفلاتر
من أهم مميزات الأيفون هي امكانية استخدام الفلاتر، اللي بتعتبر رقم 1 في الممزيات اللي بتخلي التصوير بالأيفون تجربة مختلفة وفريدة واحترافية. حتوي معظم تطبيقات التصوير الاحترافي في آيفون على عدد كبير من الفلاتر لاستخدامها، علشان كدة ماتفوتش فرصة التعديل باستخدام الفلاتر علشان تضيف جمال أكثر على صورتك وتخليها تبان واقعية.
لو عايز تصور صور أحلى وتستفيد كمان بمميزات تانية كتير في كاميرا أيفون 13، اشتريه دلوقتي من سلكت بأحسن سعر في مصر وبخصومات ضخمة حتى 5000 جنيه!