تخطي للمحتوى
على مدار ثلاث أيام من 17 ولحد 19 فبراير 2022 أقيم أكبر حدث للـGaming في مصر! وهو مهرجان Insomniaتعالى نتعرف على تفاصيل أكتر وملخص لأهم الأحداث اللي حصلت في المهرجان.
يعتبر مهرجان Insomnia مصر واحد من أهم مهرجانات الألعاب في الشرق الأوسط وهو حدث سنوي للألعاب الأكترونية في البلاد، بدأ إطلاقه في 2018 وبيجي السنة دي بنسخته الثالثة بعد النجاح المبهرللنسختين الأولى والثانية عامي 2018 و2019 على التوالي واللي جمع أكتر من 16,000 لاعب اتجمعوا علشان يجربوا ألعاب مختلفة، ويتعرفوا على أهم المؤثرين في مجال الألعاب الإلكترونية وكمان يستمتعوا بفعاليات ومسابقات مختلفة.
وبيضم المهرجان أشكال متنوعة من الألعاب والفعاليات بشكل يرضي ويناسب جميع الأذواق والأعمار والمستويات كمان، وعدد كبير كمان من الرعاة والتجار والوكلاء.
ومن أهم فعاليات المهرجان تواجد عدد كبير من الرعاة ومنظمين الفعاليات، وكانت لشركة سلكت للإلكترونيات مشاركة مؤثرة وفعالة من خلال جناح كامل لسلكت ضم فيه عدد كبير من اللعيبة علشان يجربوا إصدار البلايستيشن الجديد بلايستيشن 5 وكمان أحدث انتاجات شركات الألعاب، ويستفيدوا بخصومات حصرية لزوّار المهرجان، وقسائم شراء مختلفة، بالإضافة لعرض تقسيط وخصم حصري لعملاء فاليو.
وشهد كمان المهرجان حضور لعدد كبير من الشخصيات المؤثرة في مجال الألعاب والرياضات الإلكترونية زي نصوحي واسماعيل ويحيى رضوان ومصطفى الفقي وبراء وبشر وغيرهم، واللي كانت فرصة مهمة لكل محبي الألعاب انهم يقابلوا صانعي المحتوى اللي بيحبوهم ويتصوروا معاهم في المهرجان وداخل جناح سلكت.
بداية إنطلاق مهرجان إنسومنيا كان في المملكة المتحدة كأكبر مهرجان ألعاب الكترونية في العالم، بأكتر من 60 دورة على مدار أكثر من عقدين. وسعدت سلكت بالمشاركة في هذه الفعاليات الأكثر من رائعة، وبلقاء كل عملاء سلكت المهتمين بالألعاب الاكترونية،وتقديم خدمة وعروض على أعلى مستوى من الجودة طوال فترة المهرجان.
متحمسين للفعاليات القادمة، استنوا عروض ومفاجآت اكتر من سلكت قريباً
علشان تشتري بلايستيشن 5 أو أحدث اسطوانات الألعاب الالكترونية، زور موقع سلكت Select.eg او اتصل على 15019.