"تيك توك" التطبيق الأكثر تنزيلاً في العالم!

تيك توك (TikTok)التطبيق الشهير لصناعة ومشاركة محتوى فيديو قصير مدة لا تتجاوز الثلاث دقائق، ويعتبر واحد من تطبيقات التواصل الاجتماعي، لو لسة ماتعرفش إيه هو تيك توك خلينا نقولك نبذة مختصرة عنه، وليه أصبح التطبيق الأكثر تنزيلا في العالم في فترة لا تتجاوز الخمس سنين!

 تيك توك التطبيق الأكثر تنزيلاً في العالم!

تطبيق التواصل الاجتماعي "تيك توك" هو التطبيق الأكثر تنزيلاً في العالم لحد دلوقتي، لأن في بداية 2022 تم تنزيله أكثر من 176 مليون مرة، علشان يكون خامس تطبيق يتم تنزيله أكثر من 3,5 مليار مرة من وقت إطلاقه!

وتيك تيوك بيتميز بتنوع المحتوى الموجود فيه وبساطة صناته على عكس باقي منصات التواصل الاجتماعي اللي بتتطلب عدد كبير من المتابعين والأصدقاء علشان يكون ليك صوت أو وجود ملحوظ عليها، تيك توك بيتيح لمستخدميه فرصة عرض أفكارهم ومواهبهم وتوصيلها للناس عن طريق صفحة الـ FYP أو الـFor You page من غير ما يكون عند المستخدم فولورز أو أصدقاء، وده اللي شجع كتير من المستخدمين اللي بيحلموا بالشهرة وتحقيق مبالغ مالية عن طريقه لتنزيله واستخدامه.

خاصية TikTok Creator Fund

شركة تيك توك بتقدم دلوقتي خاصية اسمها TikTok Creator Fund  وهي خاصية لمكافأة صنّاع المحتوى من المبدعين والسماح لهم بكسب المال "علشان يعملوااللي بيحبوه وتحويل شغفهم لمصدر رزق"، علشان تكون مؤهل للاستفادة من الخاصية دي لازم يكون عندك في حسابك لى تيك توك10,000 متابع وتكون حققت  100,000 مشاهدة فيديو.

وفي تقرير صادر عن شركة "سنسور تاور" المتخصصة في متابعة سوق التطبيقات، قالوا إن مفيش أي تطبيق تم تنزليه 176 مليون مرة خلال الشهور الأولى من العام قبل "تيك توك" منذ بداية 2018!

ووبييجي في المركز الثاني، تطبيق "إنستغرام" اللي تم تنزيله حوالي151 مليون مرة من أول السنة. وقبل ما يظهر تيك توك، انستاغرام كان التطبيق الأكثر تنزيلاً على مستوى العالم. وفي آسيا جاء تطبيق "إنستغرام" في المركز الأول كأكثر التطبيقات تنزيلاً.

وأشار موقع "سي نت دوت كوم" المتخصص في موضوعات التكنولوجيا، أن شركة "ميتا" المالكة لتطبيقات "فيسبوك" و"إنستغرام" و"واتساب" تمتلك 3 من بين أكثر 5 تطبيقات تنزيلا في العالم وفي منافسة قوية مع الشركة المالكة لتطبيق تيك توك، للحفاظ على التفاعل والنجاح في هذه التطبيقات

شوف حساب سلكت على تيك توك من هنا